اول روز دنیا بیمه بامزه

قابله مه مار دل لو بزو

اینگه واینگه که هجه بهشته

گدوا گته هین مه یادگار

ننا گته ماره قیماق بپجن

مار دسه روز ناخش وناره کرده

ببا خشحالی پر گیته ریکائه

آش لو دیزنن سر دوه

پنجک شو امووینه فاملون

دنیا مه چش جور دیرمونسه

جخد منه حالی و که لیلی جان

این خرابه ره دل نون توم وونه

راه دکته دیه زمین گیروونه

ننا منه وماره اسپن دی کرده

مه دس ولینگ گاهره دله دوس وه

گاهی که مار سرگرم خنه کاروه

چند ماه سر جخد کنتلزه شیمه

تازه که راه کنه وزرزر شیمه

مه مه ببای گتمه مارغش شیه

ببا شه ور مه روزشماری کرده

جان پسر تو پر جانشینه

خور ناشته پر دوش براره

دنن مثل وشکو بوه سر بزو

آش پتنه و داوینه فاملونه

یادش بخیر کچیکی کاکرن

چی بامزه وقته که کار کردمه

میس انن وچۀ رزه مزه

دنیا ره بیمهُ مه چش سو بزو

بیمه بهشت بوین مه سرنوشته

ایشاءاله که و اسم مه موندگار

ترنه وچه دور قنداق دپجن

از خشحالی درد داشت و خنه کرده

همتی خور ناشته پر عصائه

گسن قروونی خنه ور دوه

وشون سر صدا شیه آسمون

ملائکه مه گوش دم خونسنه

گته خدا خدای عاشقان

زود اینه وشونه از ته ور گم وونه

معلوم نیه چتی به زنجیر وونه

زوون بن هی گب زوئه و پی کرده

مار با ادبچه جا مس وه

خون بمرد پسنک اته مار وه

چنگ مازیک کنه چی بامزه شیمه

زوون زومه بعضی حرف کشیمه

پر از خشحالی پلور کشیه

با خش و بش دوه منه حالی کرده

پر کمک و وارث زمینه

مدیر وونه محل افتخاره

دنن آش قلق قل کله سر بزو

دشت محل تموم همزوونه

نون دوه پسن و جل هسوه بنن

جو و گل جا چی صفا کردمه

لیز خارن شیمه لیزکا کردمه

چو گله اسب وه و ماشین لاکی وه

تیسا نون و چایی خیله بامزه

دل که سروشت شیمه میچکا کشی

صوایی سر خروس اذون سر دا

اول صبح محله ره آفتاب زوئه

شو که بوا ماه کوی پشت سر زوئه

صوایی سر گسن وونگ و وا وه

بز گله وونگ امه دل غش شیه

عید که بوا بامشی کتوک چینسمه

غروب وقتی ماشین امو بوق زوئه

عروسی روز ساز صدا مشت ویه

عروس که وردنه شول کشینه

یک قرانی کل ملاق شیمه

تموم دنیای مزه همون وه

خالوگ گته شه جان خرزای دا

هر چی آدم وینسه مهروون وه

چون وچه ویمه دنیا کچیک وه

چونکه کچیک وه خیله بامزه وه

کچیک ویمه هول ویمه که گت بووم

هینجوری شش هفت سال عمر سر بوه

گت بویمه اته کمه گترک

گت بویمه بوردویمه مدرسه

پر و مار از خشحالی پر گیتنه

دِ روز اول بخونس خش ویمه

املا و مشق جا ویمه با سواد

یاد دانِ که شاگرد اول ووئم

شه شلوار پینک وا کردمه

انّه که دو کردمه خار وشنی وه

مثل شکر لله کرده ته مزه

رج رج پی خونسمه با دلخشی

مسلمون نمازخون خور دا

محل ره عکس گیته و و دور قاب زوئه

اونما ککّی خونسه پر زوئه

جونکای وونگ و تال صدا وه

کرد سگ شول دا و صدا کش شیه

هی شیمه شه نو لواس وینسمه

زوئه هر که ایشیه که و فامل کوئه

بر کر خرش و پلا مشت ویه

داماد سر شرنی و پول شنینه

شرنی سر لینگ و لو گیتمه

دله و دیرگای مزه همون وه

عمه گته جان برارزای دا

یا ته فامل یا که ته همزوون وه

خیله کچیک کدولوی چلیک وه

هین انه چی انا و اندازه وه

خیله از فوت و فن بلد بووم

سال بسال که گت ویمه بدتر بوه

یاد بعینه چار تا درو و کلک

خونسمه فارسی و علوم هندسه

ناز کردمه شه دوش سر گیتنه

انار شیش امو ناخش ویمه

خیاط مدرسه دوتنه زیاد

همش نوزده و بیست مطل ووئم

امه روپوش آبی یقه سفید وه

انشاء هسوه علم بهتره یا ثروت

مال اگه داری دز همه ره ورنه

ولی سواد همش ته همراه دره

آقا معلم داشتوه احترام

مه آرزو وه که معلم بووم

یادش بخیر آقا عماد چکاد

اته معلم داشنه داد و بیداد

پنج شنبه سرود امینه عید وه

گتمه علم پر از جلال و شوکت

گو و گسن همه ته ملک چرنه

ته کاهمار دله همش کاه دره

امی محل کدخدا و غلام

اونم بیمه همش شه محل دووم

و غیرتم هرگز نکمه من یاد

با کلاغ پر ویس بووئم با سواد