ماه کوی پشت دیار و تو نیموئه

رو جاء ته انتظار و تو نیموئه

آفتاب در شونه ما رو تو نیموئه

آسمون سبزه زار و تو نیموئ

و دنن صدف و کاغذ وه ولوشه

منزل هاکرده جان مه دل گوشه

دوست بیمه گل مونه ونوشه

ودیم وشکو بزو بهار ویشه

هوا تاریک بوه نویمه شی پش

یار دس سرمه شفای مه چش

پی نماز سر آی نم نم وارش

چنک مازی کمّه شومه دلبر ور

شوی ککی بویه و روز بلبل

میون من و چش وبزوء پل

امروز چنه روز که سروشت مه دل

عقل لو بزو پاک بویه خل

بیمو جان بهاره خواستگاری

وشکو سماع کنه عروس داری

وا بزو عید بیمو سبزه زاری

ککی و دار کتن مثل سازنچی

خوایمه بنالم دم نیارنه مه دم

دم که در بورده زینه نیه آدم

شو که بوه پروونه مه دل غم

دنیای بی وفا آدم آه و دم

ته مهر عاشقیه من ته قروون

دوست دل کلی من ته قروون

بهشت پاپلی من ته قروون

بهاره چلچلاء من ته قروون

فرهود جلالی