|
آدم چی خش بوته رضای پرآوازه و اوازه بورده شاه دروازه آدم دره پیغمبر همازه آدم دره بنّ بن ورازه آدم دره با خدا و نمازه آدم دره چارپی گوش درازه آدم دره مشکل گشای کاره آدم دره دائم ته دوش باره آدم دره عاشق و مهربونه آدم دره شیطون همزوونه آدم دره لوطی ودس ودل باز آدم دره خسیس و حقه بازه آدم دره نون دینه این و اونه آدم دره ورینه مرد نونه آدم دره نارنه و بی نیازه آدم دره دارنه و ودس درازه آدم دره خش بین مردمونه آدم دره شکاک و بدگمونه آدم دره وشنی تیسانون خارنه آدم دره مثل زالو خون خارنه آدم دره مجیز نونه شاهونه آدم دره سگ وونه لقمه نونه آدم دره برکت مازندرونه آدم دره عمروعاص و شیطونه آدم دره زن بار کشیه آدم دره مرد نیه دلغشیه آدم دره هادون و با کماله آدم دره خیله پست و کاله آدم دره از بس خب عجیبه آدم دره بخیله و نانجیبه آدم دره و لب همش خندونه آدم دره بیز دینه این و اونه آدم دره که خیله خش زوونه آدم دره فاش دینه مردمونه آدم دره فکر خلق خدائه آدم دره که از ملت جدائه آدم دره ذراته از خدائه آدم دره از آدمی جدائه آدم دره و دل مثل آینه آدم دره حسود و پرکینه آدم دره سیلی سرخ دیمه آدم دره اسیر شه بتیمه آدم دره لاغر و هسّکائه آدم دره کنپل و کمائه آدم دره همش خدای ذکره آدم دره همش دوای فکره آدم دره مثل در گرونه آدم دره دهشاهی ام گرونه آدم دره کچیک و تش چریکه آدم دره هیکل فیل و دل زیکه آدم دره خیله نترس و شیره آدم دره شال ترا حقیره آدم دره کچیک خیله جکه آدم دره بادمجون ولی برگه آدم دره طلبکاره کم روئه آدم دره بدهکاره پرروئه
|
